Main bas ek khwahish rakhta hu

Sapno se ubharti aankho me
jo dard ki boondein dekhi hain,
un aansuon ko hasaane ki
main bas ek khwahish rakhta hu.

Jin haathon ne meri zindagi ko
sach sahi manzil bataayi thi,
wo hi haath thaam ke chalne ki
main bas ek khwahish rakhta hu.

sabse ladkar jo har pal meri
tarafdaariyaan karti thi,
unke naam ke shaurya ki
main bas ek khwahish rakhta hu.

Jo hai nai mere paas par
vishwaas me ab bhi rehti hai,
jeet ke sab unhein dene ki
main bas ek khwahish rakhta hu.

Jo pehla shabd meri zubaan pe aya
sabse pehle jisne mujhe pukara,
fir wo awaaz sunne ki
main bas ek khwahish rakhta hu,
fir wo awaaz sunne ki
main bas ek khwahish rakhta hu.