Mixed Feelings: Mishrit Ehsaas

Ris rahi hai chehre se sharm is kadar 
ke oopar dekhta hu to khud ko neecha paata hu

Chu rahi hai dil ko kisiki mehr is kadar
ke batuwe ke noton ko bhi bojh paata hu

Aa rahi hai khushiyon ki awaazein is kadar
ke goonje bhi koi gham to bhi muskura jaata hu

Dila rahi hai unki batein sukoon is kadar
ke takiye ko fenk uski baahon me chala aata hu

Rula rahi hai puraani baaton ki silvatein is kadar
ke sapnon ki chaadar se kuch khwaab bula laata hu

Mil rahi hai ab tamannaon ko udaan is kadar
ke aksar pairon ko paron ke naam se bula leta hu